Google ADS

Përleshje masive në kufirin greko-shqiptar, 4 shqiptarë sulmojnë emigrantët pakistanezë dhe ju grabisin banesën

07:19 | 19 Dhjetor 2021
Trina Galanxhi

Një përplasje mes emigrantësh ka ndodhur në kufirin greko-shqiptar. Ngjarja është shënuar në Asproklis, Igumenicë, ku një grup prej katër shqiptarësh ka mësyrë në një banesë të marrë me qira nga pesë punëtorë nga Pakistani dhe Somalia.

Siç raportojnë mediat greke, shqiptarët i kanë sulmuar punëtorët, duke iu marrë parat dhe telefonat, dhe janë larguar. Gjatë përleshjes, emigrantët nga Pakistani e Somalia, të ndihmuar edhe nga tre emigrantë të tjerë, që jetonin në një banesë pranë, nga Siria, Iraku dhe Sudani, kanë arritur të kapin një nga katër shqiptarët, duke e goditur.

Në vendngjarje ka mbërritur policia, e cila ka shoqëruar tetë emigrantë të huaj dhe një shtetas shqiptar.

Ky i fundit, për shkak të plagëve, është transportuar drejt spitalit të Janinës, ndërsa të huajt në spitalin e Filatit. Ndërkohë, tre shqiptarët e kërkuar mendohet se janë futur sërish në tokë shqiptare ilegalisht./balkanweb/

Shpërndaje në rrjete sociale

Lajmet më të lexuara

Të ngjashme

Foto lajm